سلمان خان کے شوٹنگ سیٹ پر گھس کر دھمکی دینے والا شخص گرفتار

سورس: File Photo

ممبئی (ویب ڈیسک) بالی ووڈ کے سپر سٹار سلمان خان کے شوٹنگ سیٹ پر ایک شخص کو غیر قانونی طور پر داخل ہونے کے الزام میں گرفتار کر لیا گیا۔

ایکسپریس نیوز کے مطابق منگل کے روز پیش آئے اس واقعے میں، مشتبہ شخص نے مبینہ طور پر پوچھا، "بشنوئی کو بلاؤں؟" پولیس نے فوری کارروائی کرتے ہوئے اسے شیواجی پارک پولیس سٹیشن منتقل کر دیا۔

یہ واقعہ ایسے وقت میں پیش آیا ہے جب سلمان خان کو پہلے ہی گینگسٹر لارنس بشنوئی اور اس کے ساتھیوں سے مسلسل خطرات کا سامنا ہے۔ بشنوئی گروپ نے سلمان خان کو ان کے 1998 کے کالے ہرن کے شکار کیس کے حوالے سے معافی مانگنے کا مطالبہ کیا ہے۔

لارنس بشنوئی نے متعدد بار سلمان خان کو سنگین نتائج کی دھمکیاں دی ہیں، اور معافی نہ مانگنے پر ان کے والد سلیم خان کو بھی نشانہ بنانے کی بات کی ہے۔