کراچی؛ بیٹوں نے جائیداد کے لالچ میں ماں کا رسی سے گلا گھونٹ کر قتل کردیا

سورس: Pexels.com

کراچی (ویب ڈیسک) بیٹوں نے جائیداد کے لالچ میں ماں کا رسی سے گلا گھونٹ کر قتل کردیا۔

"ایکسپریس نیوز" کے مطابق اورنگی ٹاؤن فقیر کالونی میں 2 سگے بیٹوں نے جائیداد کے لالچ میں اپنی حقیقی ماں کو رسی کی مدد سے گلا گھونٹ کر قتل کردیا اورفرار ہو گئے۔

مومن آباد تھانے کے علاقے اورنگی ٹاؤن فقیر کالونی پریشان چوک کے قریب گھر سے خاتون کی تشدد زدہ لاش ملی۔ اطلاع ملنے پر پولیس موقع پر پہنچی اور لاش کو عباسی شہید اسپتال منتقل کیا، جہاں مقتولہ کی شناخت 40 سالہ عزت پری زوجہ میر زادہ کے نام سے کی گئی۔

مقتولہ خاتون کا آبائی تعلق کے پی کے سے تھا ۔ پولیس نے جائے وقوع سے خاتون کے قتل میں استعمال کی جانے والی رسی اور دیگر واقعاتی شواہد کی روشنی میں خاتون کے قتل میں ملوث اس کے سگے بیٹوں کی تلاش شروع کردی ہے۔