لاہور(ڈیلی پاکستان آن لائن)نجی ٹی وی نے دعویٰ کیا ہے کہ پنجاب حکومت نے گوبر ٹیکس کے بعد ٹوائلٹ ٹیکس کا آغازکردیا ،محکمہ واسا اب فی بیت الخلا 2500 روپے ٹیکس چارج کرے گی،رحیم یار خان کے ہسپتالوں کو ٹوائلٹ ٹیکس جمع کرانے کے نوٹسز جاری کر دیئے گئے۔
نجی ٹی وی چینل 92نیوز کے مطابق لالہ اقبال ہسپتال رحیم یار خان کے 15 ٹوائلٹس کو ماہانہ 37500 روپے ٹیکس بھیج دیا،نجی سرجیکل ہسپتال کو بھی فی بیت الخلا 2500 روپے ٹیکس کے نوٹس جاری کر دیئے گئے،واسا نے ناصر میڈیکل کمپلیکس کو 17 بیت الخلا کا 62500 روپے بل بھیج دیا،واساکے مطابق ڈاکٹر ہسپتال اینڈ ٹراما سینٹر کو 12500 روپے ٹیکس بھیجا گیاہے۔
نجی سرجیکل کلینک کی جانب سے ٹیکس ادا نہ کرنے پر ایف آئی آر درج کر لی گئی،ڈپٹی ڈائریکٹر واسا عامر نوید نے کہا یہ سیوریج ٹیکس ہے جس کی کابینہ سے منظوری لی گئی ہے،یہ ٹیکس کمرشل ایریاز میں نافذ العمل ہوگا، عامر نوید کا کہنا تھا کہ گندگی پھیلانے والے اداروں کو یہ ٹیکس بھیجا جا رہا ہے۔
لاہور: پنجاب حکومت کا گوبر ٹیکس کے بعد ٹوائلٹ ٹیکس کا آغاز
محکمہ واسا اب فی بیت الخلا 2500 روپے ٹیکس چارج کرے گی
رحیم یار خان کے اسپتالوں کو ٹوائلٹ ٹیکس جمع کرانے کے نوٹسز جاری
لالہ اقبال اسپتال رحیم یار خان کے 15 ٹوائلٹس کو ماہانہ 37500 روپے ٹیکس بھیج دیا
نجی سرجیکل اسپتال…
— 92 News HD Plus (@92newschannel) June 13,2026
