راولپنڈی (ڈیلی پاکستان آن لائن)راولپنڈی میں وقفے وقفے سے موسلا دھار بارش کا سلسلہ جاری ہے، جس نے میٹرو بسوں کی خستہ حالی بھی عیاں کردی۔
نجی ٹی وی سما نیوز کے مطابق بارش کے دوران میٹرو بس کی چھت ٹپکنے لگی اور پانی نشستوں پر جمع ہوگیا۔ میٹرو بس میں سوار ایک مسافر نے پانی ٹپکنے کی ویڈیو بنا لی۔
ویڈیو میں واضح طور پر دیکھا جاسکتا ہے کہ بس کی چھت سے پانی ٹپک کر کرسیوں پر جمع ہورہا ہے، جس کے باعث مسافروں کو مشکلات کا سامنا کرنا پڑا۔
