اسلام آباد (ڈیلی پاکستان آن لائن) وزیر اعظم کے معاون خصوصی حذیفہ رحمان نے 18 اگست کو اڈیالہ جیل میں عمران خان اور نورین نیازی کی ملاقات میں ہوئی گفتگو کے بارے میں تفصیلات بتا دیں۔
نجی ٹی وی چینل’’اے آر وائی نیوز‘‘ کے پروگرام ’سوال یہ ہے‘ میں حذیفہ رحمان نے کہا کہ پی ٹی آئی سے متعلق ماضی کے تلخ تجربات ہیں جس کی وجہ سے سکیورٹی انتظامات کرنے ہوتے ہیں، سپریم کورٹ کے حکم پر عمران خان کی نورین نیازی سے ملاقات کروائی گئی، ہمشیرہ سے سابق وزیر اعظم نائیکی کے ٹریک سوٹ اور جوگرز میں ملے، انہوں نے اپنی بہن کو بتایا کہ وہ دو گھنٹے جم کر کے آئے ہیں۔
ان کا کہنا تھا کہ وزیر اعظم شہباز شریف تصور بھی نہیں کر سکتے کہ عدالتی حکم کی خلاف ورزی کریں، قانونی ٹیم نے ایک رائے دی جس پر وزیر اعظم نے کہا کہ قانون کے مطابق چلیں گے، انہوں نے اپنے کیریئر میں کبھی عدالتی حکم کی خلاف ورزی نہیں کی۔
