کراچی(ڈیلی پاکستان آن لائن)شہیدِ مِلّت، نوابزادہ لیاقت علی خان کی 75 ویں برسی آج منائی جارہی ہے۔
نجی ٹی وی چینل دنیا نیوز کے مطابق پاکستان کے پہلے وزیراعظم اور تحریک پاکستان کے نامور رہنما کا شمار قائد اعظم کے قریبی رفقا اور جدوجہد آزادی کے مرکزی رہنماؤں میں کیا جاتا ہے، لیاقت علی خان کو انکی سیاسی بصیرت اور اصول پسندی کے باعث ’’قائد ملت‘‘ کا خطاب بھی دیا گیا۔
16 اکتوبر 1951ء کو ایک جلسے کے دوران قائدِ اعظم کے معتمد اور نہایت قریبی ساتھی، قوم کے عظیم راہنما، محسن اور ملک کے پہلے وزیراعظم کو ایک بدبخت نے ریوالور سے گولیاں برسا کر شہید کردیا تھا۔
