جدہ (محمد اکرم اسد) وزیر اعظم پاکستان محمد شہباز شریف نے او آئی سی کے نئے سیکرٹری جنرل کے طور پر منتخب ہونے پر اسماعیل ولد الشیخ احمد کو دل کی گہرائیوں سے مبارکباد پیش کی۔ انہوں نے کہا کہ ان کا اس عہدے پر انتخاب رکن ممالک کی جانب سے ان کی دانشمندی اور وسیع سفارتی تجربے پر اعتماد کا مظہر ہے۔
یہ انہوں نے اسلامی تعاون تنظیم (او آئی سی) کے سیکرٹری جنرل اسماعیل ولد الشیخ احمد کے نام اسلامی جمہوریہ پاکستان کے وزیر اعظم محمد شہباز شریف کی جانب سے مبارکباد کے خط میں کہی جو انہوں نے وصول کیا۔
وزیر اعظم نے سیکرٹری جنرل کو جلد از جلد پاکستان کا سرکاری دورہ کرنے کی دعوت بھی دی تاکہ مسلم دنیا کو درپیش چیلنجز اور اس میں اتحاد، امن، ترقی اور خوشحالی کو فروغ دینے کے طریقوں پر تبادلہ خیال کیا جا سکے۔
