سرکاری ڈیوٹیز اور ٹیکسزکی وصولی کیلئے بینکوں کے اوقات کار میں توسیع 

کراچی(ڈیلی پاکستان آن لائن)سٹیٹ بینک آف پاکستان نے کہا ہے کہ سرکاری ڈیوٹیز اور ٹیکسزکی وصولی کیلئے بینکوں کے اوقات کار میں توسیع کر دی گئی۔

نجی ٹی وی چینل اے آر وائی نیوز کے مطابق مرکزی بینک کا کہنا ہے کہ کمرشل بینکوں کی تمام شاخیں 29 مئی کو شام 5:30 بجے تک کھلی رہیں گی، ہفتہ کو کھلنے والی شاخیں 30مئی کو صبح 9بجے سےشام 5:30بجے تک کام کریں گی۔

بینکوں کو خصوصی کلیئرنگ مکمل ہونے تک شاخیں کھلی رکھنے کی ہدایت کر دی گئی ہے۔

سٹیٹ بینک نے انٹرنیٹ بینکنگ، موبائل ایپ، اے ٹی ایم ودیگر ڈیجیٹل پلیٹ فارمز کو بلا تعطل فعال رکھنے کا حکم بھی دیا ہے۔

مرکزی بینک کا کہنا ہے کہ فیصلہ ایف بی آر کی درخواست پر ٹیکس دہندگان کی سہولت کیلئے کیا گیا۔