نئی دہلی(ڈیلی پاکستان آن لائن)بھارتی ریاست منی پور میں عیسائی مذہبی رہنماؤں پر گھات لگا کر حملہ کیا گیا جس کے نتیجے میں مذہبی تنظیم کے صدر سمیت 3 عیسائی رہنما ہلاک جبکہ متعدد افراد زخمی ہو گئے۔
بھارتی میڈیا کے مطابق عیسائی مذہبی رہنماؤں کا قتل اُس وقت کیا گیا جب وہ ایک علاقے سے گزر رہے تھے۔
واقعے کے بعد منی پور میں شدید کشیدگی پھیل گئی اور مقامی تنظیموں نے احتجاج شروع کر دیا۔
احتجاج کے دوران کاروباری مراکز، سرکاری دفاتر اور تعلیمی ادارے بند رہے جبکہ مختلف علاقوں میں سیکیورٹی سخت کر دی گئی ہے۔
