ماسکو (شنہوا) کریملن کے ترجمان دمیتری پیسکوف نے ان دعوؤں کو غلط قرار دیا ہے کہ برکس امریکی ڈالر کے متبادل کرنسی بنانے کے منصوبے پر کام کر رہا ہے۔
پیسکوف نے 12ویں بین الاقوامی فورم "پریماکوف ریڈنگز" کے دوران کہا کہ یہ دعویٰ درست نہیں ہے کہ برکس امریکی ڈالر کے متبادل کے طور پر کسی نئی کرنسی کی تیاری کر رہا ہے۔ پیسکوف نے کہا کہ برکس دراصل ایسے ممالک پر مشتمل ہے جنہیں ریزرو کرنسیوں کے استعمال کے حق سے محروم کیا گیا ہے یا جن کی ان کرنسیوں تک رسائی محدود کر دی گئی ہے۔ انہوں نے مزید کہا کہ اسی وجہ سے رکن ممالک کے درمیان اپنی قومی کرنسیوں میں لین دین کے حصے کو بڑھانے کی کوششیں جاری ہیں۔
