اسلام آباد(ڈیلی پاکستان آن لائن)اٹارنی جنرل منصور اعوان نے اسلام آباد ہائیکورٹ میں بیان دیا ہے کہ امید ہے 24گھنٹے میں انتظار پنجوتھا ریکور ہو جائیں گے۔
اسلام آباد(ڈیلی پاکستان آن لائن)اٹارنی جنرل منصور اعوان نے اسلام آباد ہائیکورٹ میں بیان دیا ہے کہ امید ہے 24گھنٹے میں انتظار پنجوتھا ریکور ہو جائیں گے۔
نجی ٹی وی چینل دنیا نیوز کے مطابق بانی پی ٹی آئی کے فوکل پرسن انتظار پنجوتھا کی بازیابی کی درخواست پر سماعت ہوئی، اسلام آباد ہائیکورٹ کے چیف جسٹس عامر فاروق نے درخواست پر سماعت کی،ایڈووکیٹ فیصل چودھری، علی بخاری، نیاز اللہ نیازی عدالت پیش ہوئے۔
اٹارنی جنرل پاکستان نے انتظار پنجوتھا سے متعلق اسلام آباد ہائیکورٹ کو آگاہ کردیا،اٹارنی جنرل نے کہاکہ امید ہے 24گھنٹے میں انتظار پنجوتھا ریکور ہو جائیں گے۔
فیصل چودھری نے کہاکہ اٹارنی جنرل نے امید دلائی ہے تو امید ہی کر سکتے ہیں،ہم تو امید ہی کر سکتے ہیں،چاہتے ہیں انتظار پنجوتھاخیریت سے واپس آئیں،چیف جسٹس عامر فاروق نے استفسار کیا کہ 24گھنٹے پھر اب سے شروع ہونگے؟اٹارنی جنرل منصور اعوان نے کہاکہ جی!کل اس وقت انتظار پنجوتھا واپس آ جائیں گے۔
