کراچی(ڈیلی پاکستان آن لائن)سکردو کی پرواز کی 6 گھنٹے بعد کراچی واپسی پر مسافروں نے غصے کا اظہار کیا ہے۔
روزنامہ جنگ کے مطابق پرواز میں سوار گلوکار بلال مقصود کا کہنا ہے کہ سکردو لینڈنگ سے 20 منٹ قبل پائلٹ نے طیارہ واپس موڑ لیا۔
پرواز پی کے 455 گزشتہ صبح 8 بجے کراچی سے سکردو کے لیے روانہ ہوئی۔
ایئر لائن ذرائع کے مطابق موسمی خرابی پر پرواز کو واپس موڑ کر اسلام آباد اتارا گیا، تاہم مسلسل موسمی خرابی پر طیارے کو ری فیولنگ کے بعد کراچی لایا گیا۔
ایک مسافر کا کہنا ہے کہ سکردو سے یو ٹرن لینے پر پائلٹس نے آگاہی کا اعلان بھی نہیں کیا۔
ترجمان ایئر لائن نے کہا ہے کہ اسلام آباد لینڈ کرنے پر کئی مسافر مشتعل ہوئے اور عملے سے تلخ کلامی بھی ہوئی۔
ذرائع کے مطابق مسافروں کو ٹکٹ مکمل ری فنڈ کرنے یا اگلے سفر کی یقین دہانی کرائی گئی ہے۔
