تہران (ویب ڈیسک) ایران کے سرکاری خبر رساں ادارے پریس ٹی وی نے ذرائع کے حوالے سے بتایا ہے کہ پیر کی شب کم از کم 3 ایرانی تیل بردار جہازوں اور ضروری سامان لے جانے والے 2 کارگو جہاز آبنائے ہرمز سے گزرے ہیں۔
باخبر بحری ذرائع کے مطابق یہ جہاز امریکہ کی ایرانی بندرگاہوں کی بحری ناکہ بندی کے باعث کئی ماہ سے پھنسے ہوئے تھے، یہ بات بی بی سی نے رپورٹ کی۔
اس سے قبل امریکی صدر ڈونلڈ ٹرمپ نے کہا تھا کہ ’’امریکہ اور ایران کے درمیان معاہدہ طے پانے کے بعد بحری جہاز آبنائے ہرمز سے روانہ ہونا شروع ہو گئے ہیں اور ان میں سے کئی جہاز تیل سے بھرے ہوئے ہیں۔‘‘
