اسلام آباد(ڈیلی پاکستان آن لائن)نئے وفاقی سیکرٹری صحت محمود رائے نے رات گئے اسلام آباد کے پمز ہسپتال کے باہر ٹینٹ نصب کروا دیا۔
روزنامہ جنگ کے مطابق پمز ہسپتال کے باہر ٹینٹ میں لائٹنگ اور پنکھوں کا انتظام کر دیا گیا ہے، ٹینٹ میں کرسیاں لگا کر شہریوں کے بیٹھنے اور شکایات سننے کا بھی انتظام ہے۔
وفاقی سیکرٹری صحت محمود رائے روزانہ کیمپ میں پمز کا جائزہ لیں گے اور روزانہ کی بنیاد پر شہریوں کی شکایات بھی سنیں گے۔
سیکرٹری صحت پمز ہسپتال میں انتظامی امور اور سہولتوں کا روزانہ جائزہ لیں گے۔
واضح رہے کہ گزشتہ روز اسلام آباد کے پمز ہسپتال کے گائنی وارڈ کی نرسری میں آگ لگنے سے 14 نومولود جھلس کر جاں بحق ہو گئے تھے۔
پمز ہسپتال کے سانحے میں جاں بحق 14 بچوں کی میتیں ورثاء کے حوالے کر دی گئی ہیں۔
