اسلام آباد(ڈیلی پاکستان آن لائن) بینکنگ جرائم عدالت اسلام آبادمیں رجسٹرار نے بانی پی ٹی آئی اور دیگر کیخلاف فارن فنڈنگ کیس کے چالان کی سکروٹنی کا عمل مکمل کرلیا۔
نجی ٹی وی چینل جیو نیوز کے مطابق ذرائع کاکہنا ہے کہ رجسٹرار کی جانب سے سکروٹنی مکمل ہونے پر چالان بینکنگ جرائم عدالت میں بھجوا دیا گیا۔
ذرائع کا مزید کہنا ہے کہ ایف آئی اے کی جانب سے بانی پی ٹی آئی سمیت 5سے زائد افراد کو ملزم نامزد کیا گیا ہے۔
