خیرپور (ڈیلی پاکستان آن لائن) پی ایس 30 کے ضمنی انتخاب کے تمام 164 پولنگ سٹیشنز کے غیر حتمی اور غیر سرکاری نتائج سامنے آگئے۔
نجی ٹی وی چینل ’’دنیا نیوز‘‘ کے مطابق پیپلزپارٹی کے امیدوار اسفند یار کھرل نے 48 ہزار 986 ووٹ حاصل کرکے کامیابی حاصل کرلی جب کہ آزاد امیدوار سید تصور مہدی حسن 1 ہزار 299 ووٹ لے کر دوسرے نمبر پر رہے۔
تمام 164 پولنگ سٹیشنز کے نتائج مکمل ہونے کے بعد پیپلزپارٹی کے امیدوار نے واضح برتری حاصل کی، انتخابی نتائج کا حتمی اعلان متعلقہ الیکشن حکام کی جانب سے کیا جائے گا۔
