لاہور(ڈیلی پاکستان آن لائن) پنجاب ڈیزاسٹر مینجمنٹ اتھارٹی (پی ڈی ایم اے) نے صوبے میں عید الاضحیٰ کی تعطیلات کے دوران شدید ہیٹ ویو کا خدشہ ظاہر کیا ہے۔
نجی ٹی وی چینل دنیا نیوز کے مطابق ترجمان پی ڈی ایم اے کا کہنا ہے کہ صوبے کے بیشتر اضلاع میں درجہ حرارت معمول سے 4 سے 7 ڈگری تک زیادہ رہنے کی توقع ہے، لاہور، راولپنڈی، گوجرانوالہ، فیصل آباد، سیالکوٹ اور دیگر اضلاع میں درجہ حرارت 42 ڈگری تک جا سکتا ہے۔
اس کے علاوہ ملتان، ڈیرہ غازی خان، بہاولپور، رحیم یار خان، سرگودھا اور جھنگ سمیت دیگر اضلاع میں پارہ 50 ڈگری تک پہنچنے کا خدشہ ہے، ہیٹ ویو کے دوران رات کے وقت بھی گرمی کی شدت برقرار رہ سکتی ہے۔
