کراچی(ڈیلی پاکستان آن لائن)کراچی کے علاقے ابراہیم حیدری میں شوہر نے گھریلو جھگڑے کے دوران تیزاب پھینک کر بیوی کو زخمی کردیا۔
جیو نیوز کے مطابق ابراہیم حیدری میں شوہر کی جانب سے بیوی پر تیزاب پھینکنے کا واقعہ کم عمری کی شادی کا معاملہ بھی نکلا جہاں شوہر ذیشان نے 14 سالہ بیوی نسیما پر تیزاب پھینکا اور فرار ہوگیا جبکہ لڑکی تیزاب سے زخمی ہوئی جسے سول ہسپتال کے برنس وارڈ منتقل کیا گیا۔
لڑکی نسیمہ کے بیان کے مطابق اس کی عمر 14سال ہے، ایک سال قبل شادی ہوئی، متاثرہ لڑکی کے مطابق شوہر نے تیزاب پھینکا، وہ ہر روز مارتا ہے۔
