شوکاز نوٹس والا کام نہ کیا کریں،یہ صرف آنکھوں کا دھوکا ہے،ہم آپ کے کسی دھوکے میں نہیں آئیں گے،چیف جسٹس لاہور ہائیکورٹ کے سی پی او ملتان کے بیان پر ریمارکس

لاہور(ڈیلی پاکستان آن لائن)لاہور ہائیکورٹ میں جعلی چیک کا مقدمہ خارج کرنے کی درخواست پرسی پی او ملتان کے اعترافی بیان کے بعد چیف جسٹس عالیہ نیلم نے ریمارکس دیتے ہوئے کہاکہ شوکاز نوٹس والا کام نہ کیا کریں، یہ صرف آنکھوں کا دھوکا ہے،ایک ماہ بعدشوکاز نوٹس اور معطلی شان کے ساتھ واپس ہو جاتی ہے،ہم آپ کے کسی دھوکے میں نہیں آئیں گے۔

نجی ٹی وی چینل دنیا نیوز کے مطابق لاہور ہائیکورٹ میں جعلی چیک کا مقدمہ خارج کرنے کی درخواست پر سماعت ہوئی،سی پی او ملتان نے ایس ایچ او کی جانب سے غلط رپورٹ جمع کرانے کا اعتراف کرلیا۔