راولپنڈی(ڈیلی پاکستان آن لائن)راولپنڈی میں چار سالہ کمسن بچی سے نازیبا حرکات کے مقدمے کا ملزم گرفتاری کے دوران اپنے ہی نیفے میں گولی چلنے سے زخمی ہوگیا۔
نجی ٹی وی چینل ایکسپریس نیوز کے مطابق سی سی ڈی کا کہنا ہے کہ ملزم کی شناخت عثمان طارق کے نام سے ہوئی ہے، جس پر دو روز قبل تھانہ وارث خان کے علاقے محلہ حکمداد میں چار سالہ بچی سے نازیبا حرکات کا الزام ہے۔
واقعے کی سی سی ٹی وی فوٹیج بھی منظرِ عام پر آئی تھی، جس میں ملزم کو گلی میں جاتی کمسن بچی کو پکڑتے اور مبینہ طور پر نازیبا حرکات کرتے دیکھا گیا۔
