لاہور(ڈیلی پاکستان آن لائن)لاہور کے علاقے ٹاؤن شپ میں پولیس اہلکاروں نے تاوان کیلئے نوجوان کو اغوا ءکرلیا۔
نجی ٹی وی ’’سماء نیوز‘‘ کے مطابق ٹاؤن شپ پولیس نے انکوائری میں گناہگارثابت ہونے پر اہلکاروں کے خلاف مقدمہ درج کرلیا،مقدمے میں حبس بے جا میں رکھنے، بھتہ خوری اوراختیارات کےناجائزاستعمال کی دفعات شامل کی گئیں ۔ ایف آئی آر متن کے مطابق ملزموں میں دو حاضر سروس اور ایک سابق پولیس اہلکار شامل ہے۔
وردی پہنے3 ملزمان نےخودکوسی سی ڈی ماڈل ٹاؤن کا اہلکارظاہرکیا،تاوان کی عدم ادائیگی پرجعلی مقابلےمیں مارنےکی دھمکیاں دیتےرہے،متاثرہ شہری کے اہلخانہ نےرہائی کےلیےاڑھائی لاکھ روپےادا کئے، ملزمان میں کانسٹیبل عقیل ،کانسٹیبل غفار اورسابق اہلکار رفاقت شامل ہیں،تینوں ملزمان کو حراست میں لیکرحوالات میں بند کردیا گیا ہے۔
