پیرس (رپورٹ: زاہد مصطفیٰ اعوان) فرانس کے دارالحکومت پیرس میں 11 اکتوبر کو منعقد ہونے والے نیزہ بازی کے شاندار مقابلوں کی تیاریاں زور و شور سے جاری ہیں۔ اس سلسلے میں گراؤنڈ کی تیاری کے ساتھ ساتھ ماہر گھوڑ سواروں اور خوبصورت گھوڑوں کو بھی بھرپور انداز میں مقابلوں کے لیے تیار کیا جا رہا ہے۔
دن بھر گھوڑ سواروں نے جوش و جذبے کے ساتھ مشقیں کیں، جبکہ منتظمین کی جانب سے مقابلوں کو کامیاب اور یادگار بنانے کے لیے انتظامات کو حتمی شکل دی جا رہی ہے۔ پیرس میں نیزہ بازی کے اس پروگرام کو پاکستانی ثقافت، گھڑ سواری اور روایتی کھیلوں کے فروغ کے حوالے سے بھی اہم قرار دیا جا رہا ہے۔
