’’اللہ کیلیے معاف کرنا شروع کر دو، ملک کو آگے جانا ہے،رکاوٹ نہ بنو ‘‘ قاسم علی شاہ کا روضہ رسولؐ کے سامنے کھڑے ہو کر ’’معافی اور درگزر ‘‘ پرویڈیو پیغام

لاہور ( ڈیلی پاکستان آن لائن ) معروف مصنف، موٹیویشنل سپیکر قاسم علی شاہ نے روضہ رسول ﷺ کے سامنے کھڑے ہو کر ’’معافی اور درگزر ‘‘ پر اہم ویڈیو پیغام شیئر کیا ہے ۔

اپنے ویڈیو پیغام میں قاسم علی شاہ نے کہا ہے کہ نبی کریم صلی اللہ علیہ وآلہ وسلم کا سب سے بڑا پیغام معاف کرنا تھا جب کہ آج ہم معاف کرنا بھول گئے۔ کس قدر افسوس کا مقام ہے کہ آج نہ چھوٹے معاف کرنے کو تیار ہیں نہ بڑے۔ روضہ رسول ﷺ کےسامنے کھڑے ہوکر آپ سے یہی درخواست کرنا چاہتا ہوں، خدارا! ایک دوسرے کو معاف کردیں۔