مسی ساگا(ڈیلی پاکستان آن لائن)پاکستان پیپلز پارٹی (پی پی پی) کے ایم این اے ڈاکٹر رمیش کمار وانکوانی نے کہا ہے کہ پاکستان میں چار پانچ لوگوں کو پتہ ہوتا ہے کہ کیا ہونے والا ہے؟ اُن میں میرا نام بھی شامل ہے۔ 2021 میں بانی پی ٹی آئی کو کہا تھا کہ آپ اسمبلیاں توڑ دیں، آپ کا وقت پورا ہوگیا ہے۔
ڈاکٹر رمیش کمار وانکوانی کینیڈا کے شہر مسی ساگا میں مقامی میڈیا سے گفتگو کر رہے تھے۔اُن کے اعزاز میں منعقدہ تقریب کے منتظمین اویس اقبال اور ناصر شاہ نے بتایا کہ ڈاکٹر رمیش کمار وانکوانی پاکستان کے پسماندہ علاقے تھر کی فلاح و بہبود کے لیے کینیڈا میں فنڈ ریزنگ تقریبات کا انعقاد کر رہے ہیں۔ایم این اے ڈاکٹر رمیش کمار وانکوانی نے میڈیا نمائندگان کے سوالوں کے جواب میں کہا کہ سیاست ایک عبادت اور خدمت ہے مگر پاکستان میں سیاست ایک اداکاری ہے اس لیے میں اپنا زیادہ وقت اپنے علاقے کے لوگوں کی خدمت میں گزار رہا ہوں۔
