سوات(ڈیلی پاکستان آن لائن) سوات کے علاقے ارکوٹ مٹہ میں شادی کی تقریب سے واپس آتے ہوئے باراتیوں کی پک اپ حادثے کا شکار ہو گئی۔ اس حادثہ میں ایک شخص جاں بحق ہو گیا جبکہ 15 افراد زخمی ہوگئے۔
’’جنگ ‘‘ کے مطابق سوات کی تحصیل مٹہ کے مضافاتی علاقے اُرکوٹ میں شادی کی تقریب سے واپس آنے والی پک اپ تیز رفتاری کے باعث موٹر کار سے ٹکرا گئی۔ اس حادثہ کے کے نتیجے میں پک اپ میں سوار متعدد افراد زخمی ہوگئے جبکہ ایک شخص جاں بحق ہوگیا۔
حادثے کی اطلاع ملتے ہی ریسکیو 1122 کی ٹیمیں موقع پر پہنچ گئیں اور اور 15 زخمیوں کو فوری طور پر سول ہسپتال مٹہ منتقل کیا ۔
