آج ہم معرکۂ حق کی پہلی سالگرہ منا رہے ہیں،یہ محض کیلنڈر کی ایک تاریخ نہیں، بلکہ جرأت، اتحاد اور غیرمتزلزل عزم کی داستان ہے:اسحاق ڈار

اسلام آباد(ڈیلی پاکستان آن لائن)نائب وزیراعظم و وزیر خارجہ اسحاق ڈار نے کہاہے کہ آج ہم معرکۂ حق کی پہلی سالگرہ منا رہے ہیں،آج ہماری قومی تاریخ کا ایک فیصلہ کن باب ہے،یہ محض کیلنڈر کی ایک تاریخ نہیں، بلکہ جرأت، اتحاد اور غیرمتزلزل عزم کی داستان ہے۔

نجی ٹی وی چینل’’ جیو نیوز‘‘ کے مطابق اسحاق ڈار کاکہناتھا کہ پاکستانی قوم کو متحد ہونے پر شاندار الفاظ میں خراج تحسین پیش کرتا ہوں، عوام ،مسلح افواج کے بہادر افسروں اور جوانوں کو سلام پیش کرتا ہوں،ان کاکہناتھا کہ جب قوم یکجا ہو جاتی ہے تو دنیا کی کوئی طاقت اس کی بنیادوں کو متزلزل نہیں کر سکتی،معرکۂ حق میں قوم کا اتحاد ہماری سب سے بڑی طاقت ثابت ہوا۔