اچھرہ میں بچوں کے قتل کا الزام ساس پر ڈالنے کی کوشش کی گئی، گھریلو جھگڑے کو واقعہ کی ممکنہ وجہ قرار دیا جا رہا ہے؛پولیس

لاہور(ڈیلی پاکستان آن لائن)اچھرہ میں تین بچوں کے قتل کیس میں اہم پیش رفت ہوئی ہے، پولیس پیشہ ورانہ تفتیش کے ذریعے چند گھنٹوں میں واقعہ کے حقائق سامنے لے آئی۔

92نیوز کے مطابق پولیس ذرائع کا کہناتھا کہ تحقیقات کے دوران بچوں کی والدہ کا کردار مشکوک پایا گیا، شواہد اور بیانات کی بنیاد پر خاتون کے خلاف مضبوط کیس قائم کیا گیا۔

ذرائع کے مطابق پولیس کا کہناتھا کہ خاتون نے مبینہ طور پر منصوبہ بندی کے تحت واردات کی۔واقعہ کے بعد خود کو بے قصور ظاہر کرنے کیلئے ڈرامہ رچایا گیا، ابتدائی تفتیش خاتون میڈیکل جانے کے بہانے گھر سے نکلی اور بعد ازاں شوہر کو فون کر کے بلایا۔