آسٹریلیا سے پناہ کی درخواست واپس لینے والی ایرانی فٹبالرز وطن پہنچ گئیں

تہران(ڈیلی پاکستان آن لائن)ایران کی خواتین قومی فٹبال ٹیم کی 5 کھلاڑیوں نے آسٹریلیا میں سیاسی پناہ کی درخواستیں واپس لینے کے بعد ٹیم کے دیگر ارکان کے ہمراہ وطن واپس پہنچ گئیں۔

غیر ملکی میڈیا رپورٹس کے مطابق ایرانی خواتین کھلاڑی گزشتہ روز ترکیہ سے ایران میں داخل ہوئیں، اس سے قبل وہ ملائیشیا اور عمان کے راستے واپس پہنچی تھیں۔

تصاویر میں کھلاڑیوں کو ٹریک سوٹس میں سرحد عبور کرتے ہوئے دیکھا گیا۔

ابتدائی طور پر بعض کھلاڑیوں نے انسانی بنیادوں پر آسٹریلیا میں رہنے کے لیے ویزا کی درخواست دی تھی، کیونکہ انہیں خدشہ تھا کہ ایشیاء کپ کے ابتدائی میچ میں قومی ترانے کے دوران خاموش رہنے پر انہیں ایران میں ممکنہ طور پر نتائج بھگتنا پڑ سکتے ہیں۔

ان کھلاڑیوں میں سے 3 کے نام ایرانی تارکینِ وطن کے کارکنوں نے زہرا سلطانی مشککار، مونا حمودی اور زہرا سربالی کے طور پر بتائے ہیں۔

ایران کے سرکاری میڈیا کے مطابق کپتان زہرا غنبری بھی ان میں شامل تھیں، جبکہ پانچویں کھلاڑی کا نام تاحال ظاہر نہیں کیا گیا۔

صرف 2 کھلاڑی، جنہیں پناہ دی گئی تھی، بطور منحرف افراد آسٹریلیا میں ہی رہ گئی ہیں۔