دیوالی کے تہوار پر ہندو برادری کیلئے 2 چھٹیوں کا اعلان

کراچی(ڈیلی پاکستان آن لائن)سندھ حکومت نے ہندو برادری کے مذہبی تہوار دیوالی کیلئے 20 اور 21 اکتوبر کو 2 روز کی تعطیلات کا اعلان کر دیا ۔

نجی ٹی وی چینل 24نیوز کے مطابق تعطیل کا اعلان سرکاری ہندو برادری کے ملازمین کیلئے کیا گیا ، تمام سرکاری و نیم سرکاری محکموں و اداروں میں پیر اور منگل کے روز چھٹی ہوگی ۔

سکولز کالجز جامعات بلدیاتی کونسلز میں بھی ہندو برادری کے ملازمین دو روز کی چھٹی کریں گے، ملازمین دیوالی کا تہوار اپنے پیاروں کے ساتھ منائیں گے ۔محکمہ سروسز جنرل ایڈمنسٹریشن و کو آرڈی نیشن نے نوٹی فکیشن جاری کردیا۔