لاہور (ڈیلی پاکستان آن لائن) پاکستان سکول سپورٹس فیڈریشن کی پہلی الیکٹو جنرل کونسل میٹنگ پاکستان اولمپک ہاؤس لاہور میں منعقد ہوئی، جس میں چاروں
لاہور (ڈیلی پاکستان آن لائن) پاکستان سکول سپورٹس فیڈریشن کی پہلی الیکٹو جنرل کونسل میٹنگ پاکستان اولمپک ہاؤس لاہور میں منعقد ہوئی، جس میں چاروں صوبوں، گلگت بلتستان، آزاد کشمیر اور اسلام آباد سے نمائندگان نے شرکت کی۔
اجلاس کے دوران باہمی مشاورت اور ووٹنگ کے ذریعے 22 رکنی کابینہ کا انتخاب عمل میں آیا۔ نو منتخب کابینہ میں سینیٹر بشریٰ انجم بٹ کو چیئرپرسن، سردار محمد احمد خان لغاری کو صدر، عرفان علی رانا کو جنرل سیکرٹری، شفاقت علی بلا کو ٹریژرر، شہریار عباس بلوچ کو سینئر نائب صدر، اور قدسیہ ضیاء کو نائب صدر منتخب کیا گیا۔ محمد طلحہ اعجاز کو انفارمیشن سیکرٹری اور مینیجر انٹرنیشنل ریلیشنز کی ذمہ داریاں سونپی گئیں۔
