’پری زاد‘سے شہرت پانے والے اداکار احمد علی اکبر کی شادی کی تقریبات کا آغاز ،دلہنیا کون؟پتہ چل گیا

لاہور(ڈیلی پاکستان آن لائن)ڈرامہ ’پری زاد‘ سے شہرت کی بلندیوں کو پہنچنے والے اداکار احمد علی اکبر کی شادی کی تقریبات کا آغاز ہوگیا ہے۔

نجی ٹی وی چینل ایکسپریس نیوز کے مطابق احمد علی اکبر کی شادی سے متعلق گزشتہ کئی دنوں سے قیاس آرائیاں جاری تھیں جس کے بعد اب ان کی باقاعدہ تصدیق ہوگئی ہے۔

سوشل میڈیا کے مختلف پیجز کی جانب سے احمد علی اکبر کی شادی کی تصدیق کرتے ہوئے ان کی قوالی نائٹ کی تصویر شیئر کی گئی ہے جو خوب وائرل ہو رہی ہے۔

View this post on Instagram

A post shared by Galaxy Lollywood (@galaxylollywood)

اداکار ماہم بتول نامی خاتون کے ساتھ نئی زندگی کا آغاز کرنے جارہے ہیں۔ تاہم احمد علی اکبر کی ہونے والی اہلیہ کا تعلق شوبز سے نہیں ہے بلکہ وہ ایک وکیل ہیں۔

یاد رہے کہ ان دنوں لالی ووڈ میں شادیوں کا سلسلہ جاری ہے ان دنوں کبریٰ خان اورگوہر رشید کی شادی کا سلسلہ جاری ہے۔