راولپنڈی ( ڈیلی پاکستان آن لائن )سربراہ پاک بحریہ ایڈمرل نوید اشرف نےعمان کا سرکاری دورہ کیا ۔ دورے کے دوران انہوں نے عمان کے سول و عسکری حکام سے
سورس: فوٹو: آئی ایس پی آر
راولپنڈی ( ڈیلی پاکستان آن لائن )سربراہ پاک بحریہ ایڈمرل نوید اشرف نےعمان کا سرکاری دورہ کیا ۔ دورے کے دوران انہوں نے عمان کے سول و عسکری حکام سے ملاقاتیں کیں۔
آئی ایس پی آر کے مطابق سربراہ پاک بحریہ ایڈمرل نوید اشرف نے سلطنت عمان کے شاہی دفتر کے وزیر,کمانڈر رائل نیوی آف عمان اور کمانڈر نیشنل ڈیفنس کالج سے الگ الگ ملاقاتیں کیں ۔ملاقاتوں کے دوران بحرِ ہند کی سیکیورٹی صورتحال اور مشترکہ دفاعی تعاون پر تبادلہ خیال کیا گیا۔نیول چیف نے بحری قزاقی اور سمگلنگ کی روک تھام میں پاک بحریہ کے کردار پر روشنی ڈالی۔
آئی ایس پی آر کا کہنا ہے کہ نیول چیف ایڈمرل نوید اشرف کے اس دورے سے دونوں برادر ممالک کے مابین تعلقات کو مزید تقویت ملے گی۔
