کوئٹہ (ڈیلی پاکستان آن لائن) سابق سینیٹر حافظ حمد اللہ کا کہنا ہے حکمران بیانات دے رہے ہیں، دیگر صوبوں کے عوام عید کی خوشیاں منا رہے ہیں۔مگر بدقسمت بلوچستان کے عوام ہیں جو عید میں جنازے اٹھا رہے ہیں۔
اپنے ایکس بیان میں انہوں نے کہا اگر شہری بازاروں،گھروں،اورسڑکوں،پر محفوظ نہیں تو پھر حکومت کہاں ہے؟ ریاست کی پہلی ذمہ داری شہریوں کی جان کا تحفظ ہے۔مگر حکومت اور ریاست شہریوں کو تحفظ دینے میں ناکام ہوچکی ہیں لہذا موجودہ صوبائی حکومت کو مستعفی ہوجانی چاہئیے۔ہرنائی شاہرگ میں رات کے اندھیرے میں پانچ بے گناہ شہریوں کو گولیوں سے بھون دینا صرف دہشت گردی کا واقعہ نہیں،بلکہ ریاستی ناکامی،حکومتی بے حسی،اور سیکورٹی دعوؤں پر ایک بڑا سوالیہ نشان ہے۔
