اسلام آباد(ڈیلی پاکستان آن لائن) الیکشن کمیشن نے محمود خان اچکزئی کو پی کے میپ کا سربراہ ماننے سے انکار کردیا۔
نجی ٹی وی چینل دنیا نیوز کے مطابق پشتونخوا ملی عوامی پارٹی کے انٹراپارٹی انتخابات نہ کرانے ، آئین میں تبدیلی اور پارٹی اکاؤنٹس پر اعتراضات کے کیس کی سماعت ہوئی، الیکشن کمیشن نے محمود خان اچکزئی کو پی کے میپ کا سربراہ ماننے سے انکار کردیا۔
چیف الیکشن کمشنر نے کہاکہ انٹراپارٹی الیکشن نہ ہونے پر اس وقت کوئی پارٹی چیئرمین نہیں ہے،پاور آف اٹارنی تسلیم کرنے سے متعلق حکم جاری کریں گے۔
