
لاہور ( مانیٹرنگ ڈیسک )پاکستان سے جنگ سے قبل بھارتی فضائیہ کے زیرِ استعمال رافیل لڑاکا طیاروں کی تعداد کتنی تھی اور اب کتنی ہے ۔۔؟ برطانوی جریدےنے ’’سچ ‘‘ بتا دیا ۔
’’جنگ ‘‘ کے مطابق برطانوی ایوی ایشن جریدے ’’فلائٹ انٹرنیشنل‘‘ نے بھارتی فضائیہ کے زیرِ استعمال رافیل لڑاکا طیاروں کی تعداد 36 سے کم کرکے 32 بتا دی۔جریدے کی سالانہ ڈائریکٹری کے مطابق بھارتی فضائیہ کے فعال بیڑے میں اب 32 رافیل طیارے شامل ہیں۔
علم میں رہے کہ مئی 2025 میں پاکستان اور بھارت کے درمیان جنگ سے قبل یہ تعداد 36 تھی۔
پاکستان نے جنگ کے فوری بعد دعویٰ کیا تھا کہ اس نے بھارتی فضائیہ کے کم از کم 6 لڑاکا طیارے مار گرائے، جن میں فرانسیسی ساختہ رافیل بھی شامل تھے، تاہم بھارت نے 6 طیارے گرائے جانے کی تردید کی تھی، جبکہ کچھ طیاروں کے نقصان کا اعتراف کیا تھا۔
امریکی صدر ڈونلڈ ٹرمپ بھی متعدد بار پاکستان اور بھارت کے درمیان جنگ کے دوران طیارے گرائے جانے کا ذکر کرچکے ہیں۔ فروری میں ان کے بیان کے مطابق طیاروں کی تعداد 10 تھی۔
