کراچی(ڈیلی پاکستان آن لائن) شارجہ سے کراچی آنے والا پاکستان کارگو پرواز کا ٹو بوئنگ 737 طیارہ کراچی کے قریب سمندر میں لاپتہ ہوگیا، جس کی تلاش کیلئے امدادی کارروائیاں جاری ہیں۔
نجی ٹی وی چینل دنیا نیوز کے مطابق ذرائع کا کہنا ہے کہ سمندر میں لاپتہ طیارے کی تلاش اور ریسکیو آپریشن جاری ہے،سرچ اینڈ ریسکیو آپریشن میں پاک بحریہ کا جنگی جہاز پی این ایس ذوالفقار متاثرہ علاقے کی جانب پہنچ گیا، پاک فضائیہ کا ساب طیارہ بھی بولہاری سے روانہ ہو کر سرچ آپریشن میں حصہ لے رہا ہے۔
پاک بحریہ کا اے ٹی آر طیارہ بھی تربت سے پرواز کر کے تلاش کی کارروائی میں شامل ہو چکا ہے، پاکستان نیشنل شپنگ کارپوریشن کے تجارتی جہاز لاہور کو بھی سرچ اینڈ ریسکیو آپریشن کے لئے تعینات کر دیا گیا ہے۔
ترجمان پی اے اے کے مطابق مختلف ادارے سرچ اینڈ ریسکیو آپریشن میں حصہ لے رہے ہیں، نجی کارگو طیارے میں عملے کے پانچ افراد سوار ہیں۔
