پاکستان نے آئی ایم ایف پروگرام کے تحت 17 میں سے 13 اہداف حاصل کر لیے

اسلام آباد (ڈیلی پاکستان آن لائن) پاکستان نے آئی ایم ایف قرض پروگرام کے تحت دسمبر 2025 تک مقرر کردہ 17 میں سے 13 مقداری اہداف حاصل کر لیے جبکہ 2 اہداف مکمل نہ ہو سکے اور 2 اہداف سے متعلق ڈیٹا آئی ایم ایف کو فراہم نہیں کیا جا سکا۔

نجی ٹی وی چینل ’’دنیا نیوز‘‘ کے مطابق ذرائع کا کہنا ہے کہ ایف بی آر ریٹیلرز سے انکم ٹیکس وصولیوں اور 5 لاکھ نئے ٹیکس فائلرز کے ہدف سے متعلق مطلوبہ ڈیٹا فراہم کرنے میں ناکام رہا، آئی ایم ایف عملے نے اپنی رپورٹ ایگزیکٹو بورڈ کو پیش کر دی ہے، جس کی بنیاد پر مئی 2026 میں 1.2 ارب ڈالرز کی چوتھی قسط کی منظوری متوقع ہے، یہ قسط 7 ارب ڈالرز کے ایکسٹینڈڈ فنڈ فیسیلٹی اور آر ایس ایف پروگرام کا حصہ ہے۔

ذرائع کے مطابق آئی ایم ایف عملے نے اپنی رپورٹ ایگزیکٹو بورڈ کو پیش کر دی جس کی بنیاد پر مئی 2026 میں 1.2 ارب ڈالرز کی چوتھی قسط کی منظوری متوقع ہے یہ قسط 7 ارب ڈالر زکے ایکسٹینڈڈ فنڈ فیسیلٹی اور آر ایس ایف پروگرام کا حصہ ہے، حکام کے مطابق مجموعی طور پر پاکستان نے بیشتر مقداری اہداف حاصل کر لیے ہیں جو پروگرام کے تسلسل کیلئے مثبت اشارہ ہے تاہم ٹیکس وصولیوں اور دستاویزی معیشت کے فروغ کے شعبے میں مزید اقدامات کی ضرورت ہے۔