لاہور(ڈیلی پاکستان آن لائن)عیدالاضحیٰ پر پردیسیوں کی آبائی علاقوں کو واپسی کے موقع جنرل بس سٹینڈبادامی باغ میں ویٹنگ ایریا میں گندگی اورناقص انتظامات نے انتظامیہ کے دعوؤں کا بھانڈاپھوڑ دیا۔
صحافی محمد عمیر نے اپنے سوشل میڈیا اکاؤنٹ پر بادامی باغ ویٹنگ ایریاز کی ویڈیو شیئر کرتے ہوئے کہاکہ ٹک ٹاک پر سب اچھا مگر زمینی حالات اس کے برعکس ہیں۔
ویڈیو میں دیکھا جا سکتا ہے کہ جنرل بس سٹینڈبادامی باغ میں پردیسیوں کا رش ہے جبکہ مرکزی ہال میں گندگی اور ناقص انتظامات ہیں،مرکزی ہال کے بیشتر پنکھے بند ہیں اور مسافر گرمی میں انتظار کرنے پر مجبور ہیں۔
انتظامیہ کی جانب سے مسافروں کیلئے ویٹنگ ایریاز میں بہترین انتظامات کے دعوے کئے گئے ہیں، گرمی سے بچاؤ کیلئے ویٹنگ ایریاز میں ایئر کولرز اور ٹھنڈے پانی کی دستیابی کا کہا جاتا ہے۔
ٹک ٹاک پر سب اچھا مگر زمینی حالات
جنرل بس اسٹینڈ بادامی باغ میں پردیسیوں کا رش، مرکزی ہال میں گندگی اور ناقص انتظامات
مرکزی ہال کے بیشتر پنکھے بند، مسافر گرمی میں انتظار کرنے پر مجبور
یہ اسی AC صاحبہ کا ایریا ہے جنہوں نے چند روز قبل صحافی پر پرچہ کروایا تھا۔ pic.twitter.com/i4My3ZTLem
— Muhammad Umair (@MohUmair87) May 25,2026
