بیجنگ (شِنہوا نیوز ایجنسی) چینی صدر شی جن پھنگ نے نیویارک میں اقوام متحدہ ہیڈکوارٹرز میں گلوبل ڈیویلپمنٹ انیشی ایٹو ( جی ڈی آئی) کی پانچویں سالگرہ کے موقع پر منعقد ہونے والے اعلیٰ سطح کے مکالمے کے نام تہنیتی خط بھیجا۔
شی جن پھنگ نے کہا کہ ترقی انسانی معاشرے کا مستقل موضوع ہے اور بنی نوع انسان کی فلاح و بہبود کو فروغ دینے میں کلیدی اہمیت رکھتی ہے۔
شی نے کہا کہ انہوں نے پانچ سال قبل اقوام متحدہ کی جنرل اسمبلی میں گلوبل ڈیویلپمنٹ تعاون کو فروغ دینے، عالمی ترقی کے عمل میں نئی روح پھونکنے اور اقوام متحدہ کے پائیدار ترقی کے ایجنڈے 2030 پر عملدرآمد تیز کرنے میں مدد کے لئے گلوبل ڈیویلپمنٹ انیشی ایٹو (جی ڈی آئی) پیش کیا تھا۔
