لاہور(ڈیلی پاکستان آن لائن)لاہور ہائیکورٹ نے پراپرٹیز کے قبضے دلوانے سے متعلق درخواست واپس لینے پر کیس نمٹا دیا،عدالت نے درخواست گزار کو تحریری معافی نامہ لکھ کر دینے کی ہدایت کرتے ہوئے کہاکہ آپ آئندہ ایسی بے بنیاد درخواست دائر نہیں کریں گے۔
نجی ٹی وی چینل دنیا نیوز کے مطابق لاہور ہائیکورٹ میں پراپرٹیزکے قبضے دلوانے سے متعلق درخواست پر سماعت ہوئی،عدالتی حکم پر ڈپٹی کمشنر حافظ آباد عبدالرزاق عدالت میں پیش ہوئے۔
چیف جسٹس عالیہ نیلم نے کہاکہ عدالت اپنے آرڈر پر عملدرآمد نہیں کرا سکتی تو نظام ختم ہو جائےگا۔
عدالت نے کہاکہ کل ہم نے ان سے 3دفعہ پوچھا تھا کہ سچ بتائیں،دیکھتے ہیں ان کوجرمانہ کرنا یا نہیں ۔
عدالت نے درخواست واپس لینے پر کیس نمٹا دیا، عدالت نے درخواست گزار کو تحریری معافی نامہ لکھ کر دینے کی ہدایت کی،عدالت نے کہاکہ آپ آئندہ ایسی بے بنیاد درخواست دائر نہیں کریں گے۔
