5اگست کا احتجاج آغاز سے پہلے ہی فلاپ  ہو گیا،عظمیٰ بخاری

لاہور(ڈیلی پاکستان آن لائن)وزیراطلاعات پنجاب عظمیٰ بخاری نے کہا ہے کہ 5اگست کا احتجاج آغاز سے پہلے ہی فلاپ ہو گیا۔

نجی ٹی وی چینل دنیا نیوز کے مطابق وزیراطلاعات عظمیٰ بخاری نے اپنے بیان میں کہا ہے کہ پھپھو کی خواہش پوری نہ ہوسکی، بھتیجے پاکستان نہیں آ رہے،سابق بھاوج نے بچوں کو پاکستان جانے سے روک دیا، 5اگست کا احتجاج آغاز سے پہلے ہی فلاپ ہو گیا۔

وزیر اطلاعات پنجاب نے کہاکہ علیمہ خان نے بھی احتجاج کی ناکامی کی پیشگی اطلاع دے دی،پی ٹی آئی کی موجودہ قیادت بھی احتجاج کی حامی نہیں،ان کاکہناتھا کہ خیبرپختونخوامیں 354ارب کی مالی بے ضابطگیاں چارج شیٹ ہیں،چور چور کا راگ الاپنے والے 12سال سے کرپشن کے ریکارڈ قائم کررہے ہیں،عظمیٰ بخاری نے کہاکہ9مئی واقعات پر ندامت اور شرمندگی کے بجائے دفاع کرنا شرمناک ہے،شہدا کے مجسمے جلانے والے قوم کیلئے قابل نفرت بن چکے ہیں۔