آج کہاں کہاں بادل برسیں گے؟ محکمہ موسمیات نے پیشگوئی کردی

اسلام آباد(ڈیلی پاکستان آن لائن)اسلام آباد اور گردونواح سمیت چاروں صوبوں کے متعدد اضلاع میں آج مطلع جزوی ابر آلود رہنے کا امکان ہے ۔ شام کو تیز ہواؤں اور گرج چمک کے ساتھ بارش ہونے کی توقع ہے ۔ بعض مقامات پر ژالہ باری بھی ہو سکتی ہے۔

نجی ٹی وی سما نیوز کے مطابق محکمہ موسمیات کا کہنا ہے کہ خیبرپختونخوا میں وزیرستان ، ڈیرہ اسماعیل خان، خیبر ، باجوڑ، لکی مروت، بنوں، کرک، ہنگو، کوہاٹ میں بھی بارش اور ژالہ باری متوقع ہے۔ پشاور ، چارسدہ ، صوابی ، نوشہرہ ، مردان ، بالاکوٹ ، ایبٹ آباد ، مانسہرہ، بٹگرام، بونیر،مالاکنڈ ، کوہستان ، بونیر ، شانگلہ ، کالام ، سوات میں بھی بارش اور ژالہ باری کی پیش گوئی کی گئی ہے۔