کیا بانی پی ٹی آئی عمران خان کو اڈیالہ جیل سے کہیں اور منتقل کیا جا رہا ہے ۔۔؟جیل ذرائع نے حقیقت بتا دی 

راولپنڈی ( خصوصی رپورٹ) کیا بانی پی ٹی آئی عمران خان کو اڈیالہ جیل سے کہیں اور منتقل کیا جا رہا ہے ۔۔؟جیل ذرائع نے حقیقت بتا دی ۔

’’جیو نیوز ‘‘ نے جیل ذرائع کے حوالے سے بتایا ہے کہ پاکستان تحریک انصاف کے بانی عمران خان کو اڈیالہ جیل سے کہیں اور منتقل کرنے کا کوئی امکان نہیں پمزہسپتال کے 5 رکنی ڈاکٹرزکی ٹیم نے حال ہی میں بانی پی ٹی آئی کا طبی معائنہ کیا، وہ مکمل صحت مند ہیں، سیکیورٹی اور کھانے کا مکمل خیال رکھا جاتا ہے۔ بانی پی ٹی آئی کی اڈیالہ جیل سے منتقلی پر کوئی بات زیر غور نہیں۔

واضح رہے کہ اس سے قبل اس حوالے سے وزیراعظم کے کوآرڈینیٹر اختیار ولی نے کہا تھا کہ ’’یہ چاہتے ہیں قیدی کو اڈیالہ سے منتقل کردیا جائے اور حکومت بھی سنجیدگی سے اس پر غور کررہی ہے‘‘۔