توشہ خانہ ٹوکیس؛اسلام آباد ہائیکورٹ  کی درخواست گزاروں کے وکلاء کو آفس اعتراضات دور کرنے کی ہدایت

اسلام آباد(ڈیلی پاکستان آن لائن)اسلام آباد ہائیکورٹ نے توشہ خانہ ٹوکیس میں درخواست گزاروں کے وکلاء کو آفس اعتراضات دور کرنے کی ہدایت کردی۔

نجی ٹی وی چینل" جیو نیوز" کے مطابق اسلام آباد ہائیکورٹ میں توشہ خانہ ٹو کیس پر رجسٹرار آفس کے اعتراضات کیخلاف درخواست پر سماعت ہوئی، جسٹس میاں گل حسن اورنگزیب نے سماعت کی ،درخواستگزاروں کے وکیل ایڈووکیٹ سلمان صفدر عدالت میں پیش ہوئے۔عدالت نے استفسار کیا کہ اعتراضات کیا ہیں،سلمان صفدر نے کہاکہ مصدقہ کا پیز ساتھ منسلک نہ ہونے کا اعتراض عائد کیا گیا، تمام آرڈرز مصدقہ کاپیز کے ساتھ منسلک کردی ہیں،سب لوگوں کو سردیوں کی چھٹیاں ملیں ہمیں نہیں ملیں،ہفتہ میں ٹرائل کی3 سماعتیں ہورہی ہیں،عدالتی اوقات کار کے علاوہ بھی ٹرائل کی سماعتیں ہورہی ہیں،ٹرائل کورٹ کی کوشش تھی کہ سردیوں میں ہی کیس نمٹا دیں،7 گواہ ہو چکے آج کیلئے بھی تین گواہ عدالت نے رکھے ہوئے ہیں،توشہ خانہ ٹو کیس کا ٹرائل تیزی سے آگے بڑھ رہا ہے،کال اپ نوٹسز کے وقت بھی عدالت آیا تھا، ایک ہی معاملے میں چوتھی دفعہ ٹرائل کیا جارہا ہے،عدالت نے کہا کہ کیا ہائیکورٹ، ٹرائل کورٹ کو کہہ دے کہ ٹرائل تیز نہ چلائیں؟عدالت نے درخواست گزاروں کے وکلاء کو آفس اعتراضات دور کرنے کی ہدایت کردی،رجسٹرار آفس کے اعتراضات دور کرنے کی ہدایت کرتے ہوئے سماعت ملتوی کردی گئی۔