اسلام آباد(ڈیلی پاکستان آن لائن)پاکستان ٹیلی کمیونیکیشن اتھارٹی(پی ٹی اے )نے غیرفعال سمز سے منسلک واٹس ایپ اکاؤنٹس بند کرنے کافیصلہ کیا ہے۔
نجی ٹی وی چینل دنیا نیوز کے مطابق پی ٹی اے نے کہاکہ غیرفعال، منسوخ یا زیراستعمال نہ رہنے والی سمز کے واٹس ایپ اکاؤنٹس بلاک ہوں گے، غیرفعال نمبرز کے واٹس ایپ اکاؤنٹس غیرقانونی سرگرمیوں میں استعمال ہوتے ہیں،پی ٹی اے کاکہنا ہے کہ صارفین اپنے واٹس ایپ اکاؤنٹس فعال موبائل نمبرز سے منسلک کریں،موبائل نمبر تبدیل کرنے والے صارفین فوری طور پر واٹس ایپ کا نمبر تبدیل کریں۔
