اسلام آباد(ڈیلی پاکستان آن لائن) پاکستان کی وزارت خارجہ نے کہا ہے کہ ایران، امریکہ تنازع کسی کے مفاد میں نہیں، پاکستان آبنائے ہرمز سے تجارت اور تیل کی بآسانی ترسیل پر یقین رکھتا ہے۔
نجی ٹی وی چینل ’’دنیا نیوز‘‘ کے مطابق دفتر خارجہ کے ترجمان طاہر حسین اندرابی نے ہفتہ وار بریفنگ میں بتایا کہ ایران اور امریکہ کےدرمیان دوبارہ کشیدگی پرتشویش ہے، پاکستان موجودہ علاقائی صورتحال پرگہری نظر رکھے ہوئے ہے، پاکستان نےفریقین کو تحمل کا مظاہرہ کرنے پر زور دیا ہے۔ اسلام آباد مفاہمتی یادداشت پرعملدرآمد جاری رہنا چاہیے، پاکستان مسائل کےحل کیلئے مذاکرات پریقین رکھتا ہے، ایران، امریکہ تنازع کسی کےمفاد میں نہیں،پاکستان آبنائے ہرمزسےتجارت اورتیل کی باآسانی ترسیل پریقین رکھتا ہے۔
انہوں نے کہا کہ آبنائے ہرمزمیں غیرمعمولی صورتحال سے گلوبل ساؤتھ کے ممالک بھی متاثر ہورہے ہیں، تمام تنازعات کاحل مذاکرات اورسفارت کاری میں مضمر ہے، پاکستان تمام فریقین کوجنگ سےگریز کی ترغیب دیتا رہے گا۔
