تہران ( مانیٹرنگ ڈیسک ) ایران کی پارلیمنٹ کے سپیکر باقر غالیباف نے کہا ہے کہ ایران کے قومی جہاد کو 100 دن گزر چکے ہیں۔
’’جنگ ‘‘ کے مطابق ایک بیان میں باقر غالیباف نے کہا کہ سفارتکاری کی زبان کو ترجیح دیتے ہیں لیکن ہم دوسری زبانیں بھی اچھے سے جانتے ہیں۔ وعدوں کی خلاف ورزی ہوئی، تو اُس زبان میں جواب دیں گے، جس پر ہمیں زیادہ عبور حاصل ہے۔آپ نے جو گھوڑا خود تیار کیا ہے، اب اسی پر سوار رہیں اور اس کے نتائج بھگتیں۔
سپیکر ایرانی پارلیمینٹ باقر غالیباف کا یہ بھی کہنا تھا کہ ایران کے قومی جہاد کو 100 دن گزر چکے ہیں، ایران کا ساتھ دینے والوں پر خدا کی سلامتی ہو، جنہوں نے دشمن کو مایوس کیا اور ایران کو خونخوار بھیڑیوں کے جبڑوں سے نکال لیا، ایران زندہ باد، عظیم ایرانی قوم کی مزاحمت پائندہ باد۔
