ملاقات کیلئے جیل مینول اور قوانین موجود ہیں،آپس  میں کوآرڈینیشن بھی ضروری ہے،طارق فضل چودھری

اسلام آباد(ڈیلی پاکستان آن لائن)وفاقی وزیر پارلیمانی امورطارق فضل چودھری نے کہا ہے کہ ملاقات کیلئے جیل مینول اور قوانین موجود ہیں،آپس میں کوآرڈینیشن بھی ضروری ہے۔

قومی اسمبلی اجلاس میں اظہار خیال کرتے ہوئے طارق فضل چودھری نے کہاکہ وزیراعظم کے ساتھ اپوزیشن لیڈر کی ملاقات ضروری ہے، حکومت کی ذمہ داری ہے جیل میں سہولت فراہم کرے۔

وفاقی وزیر پارلیمانی امور کاکہناتھا کہ میڈیکل ایمرجنسی میں قیدی کو فوری ہسپتال لے جایا جاتا ہے،بانی کی آنکھ کے معاملے پر بھی بات کی گئی،کہا گیا بانی کو رات کے اندھیرے میں ہسپتال کیوں لے جایا گیا؟ ایمرجنسی جس وقت ہوگی تب ہی لے جایا جائے گا۔