تائیوان کے حوالے سے امریکی پالیسی میں کوئی تبدیلی نہیں آئی، مارکو روبیو

سورس: X@StateDept

بیجنگ (ڈیلی پاکستان آن لائن) امریکی وزیر خارجہ مارکو روبیو نے بیجنگ میں اعلیٰ چینی حکام سے ملاقات کے بعد واضح کیا ہے کہ تائیوان کے حوالے سے امریکی پالیسی میں کوئی تبدیلی نہیں آئی ہے۔

این بی سی نیوز کو دیے گئے ایک انٹرویو میں انہوں نے بتایا کہ چین ہمیشہ اس معاملے کو اٹھاتا ہے اور ہم بھی ہمیشہ اپنا موقف واضح کر دیتے ہیں۔ روبیو کا کہنا تھا کہ تائیوان کی موجودہ صورتحال میں کسی بھی قسم کی زبردستی تبدیلی دونوں ممالک کے لیے نقصان دہ ہوگی۔ انہوں نے مزید کہا کہ چین کے ساتھ تعلقات میں اسٹریٹجک استحکام پر دونوں ممالک کا اتفاق ہے۔