اسلام آباد(ڈیلی پاکستان آن لائن)پی آئی اے 29مارچ کو اسلام آباد سے لندن اور30مارچ کولاہور سے لندن کی پروازیں آپریٹ کرے گی۔ نجی ٹی وی چینل
اسلام آباد(ڈیلی پاکستان آن لائن)پی آئی اے 29مارچ کو اسلام آباد سے لندن اور30مارچ کولاہور سے لندن کی پروازیں آپریٹ کرے گی۔
نجی ٹی وی چینل ’’دنیا نیوز‘‘ کے مطابق پی آئی اے ابتدائی طور پر ہفتہ وار4پروازیں لندن کیلئے آپریٹ کرے گی،پی آئی اے کی اسلام آباد سے ہفتہ وار3اورلاہور سے ایک پرواز آپریٹ ہو گی۔
ترجمان پی آئی اے کے مطابق 6سال کے وقفہ کے بعد پروازوں کا آغاز کیا جارہا ہے،پی آئی اے کا لندن روٹ سے 70سال سے زائد کا رشتہ ہے،لندن پی آئی اے کے نیٹ ورک کے ابتدائی بین الاقوامی روٹ میں شامل ہے. ان پروازوں کی شروعات کے بعد برطانیہ کیلئے پی آئی اے کی پروازوں کی ہفتہ وار تعداد7ہو جائے گی۔
